ຄືນນີ້ຍັງບໍ່ຜ່ານ..

ຄວາມໜາວຄານຄຸກເຂົ້າ.......ເຖິງແກ່ນຫົວໃຈ
ເກັງວ່າມັນຈະຫຼຸດ..............ຫຼົ່ນລົງເຫວແລ້ວ
ຜືນແຜ່ນແພຜາຍຕູ້ມ..........ຄຸມກາຍບໍ່ຫາຍສ່ຳ
ໄດ້ຮຽງນາງກອດນ້ອງ..........ໜາວກໍ້ຄ່ອຍວ່າໄຄ

ເຫັນໃຈເດຜູ່ຢູ່ກ້ຳ...............ເຂດດ່ານແດນໜາວ
ໄກຖິ່ນຖານມານດາ..............ອຸ່ນແສງສຸຣີຄ້າຍ
ຍາມສາຍລົມວອຍກ້ຽວ..........ຝາໃບຕອງຍັງຕ້ານຢູ່
ບາດຜູ່ໜາວຫ່າງບ້ານ......... ..ເຢັນຈ້ອຍໆກະດູກດຳ

ອົດທົນເດີພີ່ນ້ອງ....................ພາກແຜ່ນປັຖພີ
ໄກຍ່ານແດນຈຳປາ.................ຢ່າປ່ອຍກັນໃຫ້ໝອງຊ້ຳ
ເຫັນໃຜກັມເກາະແຫ້ນ.............ແຄນເຄືອງເຂັນຂອດ
ສອດສົ່ງເສັຍຊ່ອຍທ້ອນ..........  ..ຕາມຂັ້ນທີ່ມີ

ຢ່າໄດ້ໄລລືມຖິ້ມ......................ຍາດໝູ່ພົງພັນ
ໃຫ້ສົມບັນບຸຣຸດເຮົາ..................ສັ່ງສອນເສີມຊີ້
ຜູ່ໃດດີສຸຂລົ້ນ........................ຜູ່ຄົນຈົນຈົ່ງແບ່ງ-
ຮັກແພງກັນດັ່ງດ້າມ..................ສາຍເຊື້ອອີ່ແມ່ດຽວ...ວ່ານາ.