ປີໃໝ່ມາຮອດແລ້ວ.......ເອົາຫຍັງແນ່ມານຳ
ຫຼືວ່າມາຄືເຮົາ................ຫວ່າງລົງມາກ້ຳ
ດິນແດນກວ້າງ..............ປັຖພີໂລກລຸ່ມ
ມີແຕ່ໂຕຂໍ້ຫຼໍ້..................ທັງຫົວກໍ້ຂາດຜົມ

ຫວັງວ່າເຣີ້ມປີນີ້..............ສຸຂີຈົ່ງນຳທາງ
ບຸກເບີກເບີຍນຳໄປ...........ສູ່ຈຸດໝາຍນັ້ນ
ທຸກແຂນງແນວສ້າງ..........ໃຫ້ເຫັນຜົນໝາຍມຸ່ງ
ຢ່າມີເວນຈ່ອງທ້າຍ............ເຮືອຫຼົ້ມຫວ່າງແປວ...ເທາະໜາ.

ໃຫ້ຍາດມິດພີ່ນ້ອງ...............ຈິດພ່ອງເຫັນໄກ
ຂໍຮ່ຳຮອນຄນຶງຄິດ...............ສູ່ແນວໃຫ້ຖັນຖ້ວນ
ຄວາມຜິດຫວັງຄາວກີ້...........ຢ່າຄືນມີອີກໃໝ່
ຂໍປີຈົ່ງຊອຍຊວ້ານ...............ທຸກຄົນໄດ້ດັ່ງໝາຍ

ຄວາມຫຼັງໄລລະຖິ້ມ..................ຂົມຂື່ນຂິນຫູ
ຂໍຈົ່ງເຫັນແສງສີ....................ສິ່ງງາມໃນທ້ອງ
ພາຍລຸ່ມຟ້າ...........................ຄືສຸຣິຍາຍາມຄ່ຳ
ຂໍໂທດ-ອະໄພຈົ່ງໃຫ້.................ກັນໄວ້ກ່ອນຕາຍ...ຫັ້ນແຫຼ້ວ!